İKİTƏRƏFLİ MÜNASİBƏTLƏR

Azərbaycan-Yaponiya münasibətləri

Yaponiya Azərbaycan Respublikasının müstəqilliyini 28 dekabr 1991-ci ildə tanımışdır. Ölkələr arasında diplomatik münasibətlər 7 sentyabr 1992-ci ildə qurulmuşdur. 12 oktyabr 2005-ci ildə Azərbaycan Respublikasının Yaponiyadakı Səfirliyi açılmışdır. Yaponiyanın Azərbaycan Respublikasındakı Səfirliyi 21 yanvar 2000-ci ildə təsis edilmişdir.

Azərbaycanın Yaponiyadakı Fövqəladə və Səlahiyyətli Səfiri cənab Gürsel İsmayılzadədir. Yaponiyanın Azərbaycandakı Fövqəladə və Səlahiyyətli Səfiri cənab Tsuquo Takahaşidir. 

Yüksək səviyyəli qarşılıqlı səfərlər və görüşlərin xronologiyası

Dövlət başçıları

1998-ci il 24-28 fevral     Azərbaycan Respublikasının Prezidenti Zati-aliləri cənab Heydər Əliyevin rəsmi səfəri        

2006-cı il 7-10 mart        Azərbaycan Respublikasının Prezidenti  Zati-aliləri cənab İlham Əliyevin rəsmi səfəri

Azərbaycan tərəfinin Yaponiyaya səfəri

Yaponiya tərəfinin Azərbaycana səfəri

Müqavilə-hüquq bazası

İki ölkə arasında müxtəlif sahələri əhatə edən 26 sənəd imzalanmışdır. 

1. Azərbaycan Respublikası və Yaponiya arasında Dostluq və Tərəfdaşlıq haqqında Birgə Bəyanat. 26 fevral 1998, Tokio

2. Azərbaycan Respublikası ilə Yaponiya arasında Ticarət və İqtisadi sahədə Əməkdaşlıq haqqında Birgə Bəyanat. 26 fevral 1998, Tokio

3. Azərbaycan Respublikası Xarici İşlər Nazirliyi və Yaponiya Xarici İşlər Nazirliyi arasında məsləhətləşmələr haqqında Birgə Kommunike. 26 fevral 1998, Tokio

4. Azərbaycan Respublikası və Yaponiya arasında Dostluq və Tərəfdaşlığın daha da inkişaf etdirilməsi haqqında Birgə Bəyanat. 10 mart 2006, Tokio

5. Azərbaycan Respublikası Hökuməti və Yaponiya Hökuməti arasında Texniki Əməkdaşlıq haqqında Saziş. 10 mart 2006, Tokio

6. Azərbaycan Respublikası Xarici İşlər Nazirliyi və Yaponiya Xarici İşlər Nazirliyi arasında Əməkdaşlıq haqqında Memorandum. 10 mart 2006, Tokio

Parlamentlərarası əlaqələr

Hər iki parlamentdə Azərbaycan-Yaponiya Parlamentlərarası Dostluq Qrupu və Yaponiya-Azərbaycan Parlamentlərarası Dostluq Liqası mövcuddur. Yaponiya-Azərbaycan Parlamentlərarası Dostluq Liqasının sədri cənab Akira Amaridir. Cənab Akira Amari Yaponiyanın iqtisadi və maliyyə siyasəti üzrə dövlət naziridir.

Qarşılıqlı səfərlər

Xarici İşlər Nazirlikləri arasında siyasi məsləhətləşmələrin xronologiyası:

1. 6 fevral 2007, Bakı

2. 26 iyun 2007, Tokio

3. 27 fevral 2008, Tokio

4. 12 sentyabr 2008, Bakı

5. 19 fevral 2009, Tokio

6. 19 noyabr 2010, Bakı

7. 12 iyul 2012, Bakı

8. 31 yanvar 2013, Bakı

9. 27 fevral 2014, Tokio

İqtisadi əməkdaşlıq

Azərbaycan Respublikası Prezidentinin 5 fevral 1999-cu il tarixli 67 nömrəli Sərəncamına əsasən Azərbaycan Respublikası ilə Yaponiya arasında İqtisadi Əməkdaşlıq üzrə Dövlət Komissiyası yaradılmışdır. İndiyədək Komissiyanın 8 iclası keçirilmişdir.

Komissiyanın iclasları:

1. 1999-cu il, Tokio
    
2. 30 oktyabr 2000, Bakı
    
3. 28 aprel 2001, Tokio
    
4. 21-23 noyabr 2006, Bakı
    
5. 25-26 fevral 2008, Tokio
    
6. 18 may 2010, Tokio
    
7. 22 noyabr 2011, Bakı
    
8. 26 fevral 2014, Tokio

Komissiyanın Azərbaycan tərəfindən həmsədri Azərbaycan Respublikası

Baş Nazirinin müavini Abid Şərifovdur.

Komissiyanın Yaponiya tərəfindən həmsədri İTOÇU şirkətinin baş müşaviri Yoiçi Kobayaşidir. 

Azərbaycan Respublikası ilə Yaponiya arasında ticarət əlaqələri

(milyon ABŞ dolları)

Ticarətdə aşağıdakı məhsullar üstünlük təşkil etmişdir:

Yaponiyadan Azərbaycana idxalda:

- qara metaldan borular və profillər;

- qaz və buxar turbinləri;

- minik avtomobilləri;

- mexaniki kürəklər, ekskavatorlar, birçalovlu yükləyicilər

- nasos – kompressor boruları;

- audio – video disklər.

Azərbaycandan Yaponiyaya ixracda:

- spirtli içkilər;

- meyvə şirələri;

- xam neft və bitumlu minerallardan alınan xam neft məhsulları;

- kimyəvi məhsullar və preparatlar;

- alüminium ərintiləri;

- balıq kürüsü.

Mənbə: AR İqtisadiyyat və sənaye nazirliyi

Mədəniyyət və təhsil

Səfirlik bir sıra universitet və tədqiqat mərkəzləri ilə sıx əlaqələr qurmuşdur. Onların arasında Tsukuba Universiteti, Vaseda Universiteti, Qunma Prefekturasının Qızlar Universiteti, Keio Universiteti, Sofia Universiteti, Mərkəzi Asiya və Qafqaz ölkələri üzrə Tədqiqat Mərkəzi, Utsunomiya Universiteti, Şizuoka Prefekturasının Universiteti, “Shoheijuku” İnstitutu, Hiroşima İctimai Universiteti – Sülh araşdırmalar institutu, Kobe Şukuqava Qakuin Universiteti,  “Citizens School” mərkəzi, Osaka Universiteti və s. qeyd etmək olar.

Bundan əlavə Azərbaycanın ADA Universiteti Yaponiyanın bir sıra universitetləri ilə akademik mübadilə proqramları təsis edilmişdir:

Ritsumeikan University

Doshisha University, Graduate School of Global Studies, Japan

Osaka University, Graduate School of International Public Policy (OSIPP), Japan

Azərbaycanda yapon dili 3 orta ümum təhsil məktəbində və Bakı Dövlət Universiteti ilə Azərbaycan Dillər Universitetində tədris edilir.

Dostluq mübadiləsi

Azərbaycan – Yaponiya münasibətləri tarixində ilk dəfə olaraq, hər iki ölkənin şəhərləri arasında “Dostlaşmış şəhərlər statusu əməkdaşlıq çərçivəsinin” qurulmasına nail olunmuşdur. Azərbaycan Respublikasının İsmayıllı şəhəri və Yaponiyanın Şizuoka prefekturasının İto şəhəri arasında “Dostlaşmış şəhərlər mübadiləsi” sazişi 22 noyabr 2013-cü ildə imzalanmışdır.

Dostluq mübadiləsinin əsas məqsədi iki ölkənin mədəniyyəti və yaşayış tərzinin öyrənilməsi, insanlar arasında əlaqələrin genişləndirilməsi, o cümlədən Azərbaycan ilə Yaponiya arasında əməkdaşlığın dərinləşdirilməsidir.

Dostluq Assosiasiyası

4 mart 2015-ci il tarixində Azərbaycan-Yaponiya Dostluq Assosiasiyası təsis edilmişdir. 

Yaponiya-Azərbaycan Dostluq Assosiasiyasının yaradılmasının məqsədi iki ölkə arasında dostluq münasibətlərinin daha da genişləndirilməsi və inkişaf etdirilməsinə xidmət edir.

• İki ölkə arasında təhsil və mədəni mübadilənin təşviqi
• Azərbaycan və Yaponiya arasında biznes əlaqələrinin dəstəklənməsi
• İki ölkə arasında ticarət dövriyyəsinin artırılması məqsədilə iqtisadi əməkdaşlığın təşviqi
• İki ölkə rəsmilərinin qarşılıqlı səfər mübadiləsinin dəstəklənməsi